ອົງການ ບ້ານຈຸດສຸມສາກົນ (VFI) ແລະ ອົງການ ໄອອາໄອ (IRI) ຂໍເຊີນຊວນຜູ້ນຳຊາວໜຸ່ມລາວ (ໃນເກນອາຍຸ ລະຫວ່າງ 18 ຫາ 30 ປີ) ເຂົ້າຮ່ວມໃນການຝຶກອົບຮົມການເລົ່າເລື່ອງຜ່ານສື່ດີຈີຕໍ ເຊິ່ງຈະຈັດຂື້ນຢູ່ມະຫາວິທະຍາໄລສຸພານຸວົງ ໃນວັນທີ 23 – 27 ກັນຍາ 2019.
ການເລົ່າເລື່ອງຜ່ານສື່ດີຈີຕໍ ແມ່ນຫຍັງ?
ບົດເລື່ອງດີຈີຕໍແມ່ນ ບົດເລື່ອງທີ່ສັ້ນກະທັດຮັດ ສ້າງຂື້ນໂດຍການປະສົມປະສານການບັນທຶກ ການເລົ່າເລື່ອງດ້ວຍພາບນີ້ງ ແລະ ພາບເຄື່ອນ ໄຫວເຂົ້າກັນ ແລະ ປະກອບສຽງ ຫລື ເພັງເຂົ້າ ນຳ. ຄວາມຍາວຂອງເລື່ອງແມ່ນປະມານ 2 ຫາ 3 ນາທີ. ເປັນການເລົ່າເລື່ອງຂອງຄົນ, ເຫດ ການ ແລະ ບັນຫາຕ່າງໆທີ່ຜູ້ເລົ່າເລື່ອງມີຄວາມ ສົນໃຈເປັນພິເສດ. ການເລົ່າເລື່ອງຜ່ານສື່ດີຈີຕໍ ຈະເຮັດໃຫ້ຜຸ້ຊົມ ແລະ ຜູ້ຟັງເຫັນໄດ້ເຖີງ ເຫດການ, ສະຖານທີ່ ແລະ ຄົນໃນມຸມມອງ ໃໝ່ ແລະ ຮູ້ຈັກກັບພວກເຂົາເຈົ້າໃນທາງໃໝ່.
ມູນເພິ່ມເຕີມ:
ອົງການບ້ານຈຸດສຸມສາກົນ ຈະຮັບຜິດຊອບຄ່າໃຊ້ຈ່າຍໃນການເຂົ້າຮ່ວມຄ້າຍທັງໝົດ. ໃນນີ້ລວມທັງຄ່າເດີນທາງ, ທີ່ພັກ (ຖ້າຈໍາເປັນ) ແລະ ອາຫານ.
ໃນລະຫວ່າງການຝຶກອົບຮົມ ຜູ້ເຂົ້າຮ່ວມຈະໄດ້ຮັບແທັບເບັດທີ່ໄດ້ໂຫລດແອັບການເລົ່າເລື່ອງຜ່ານລະບົບດີຈີຕໍ ລວມທັງເຄື່ອງ ສາກທີ່ໃຊ້ພະລັງງານແສງອາທິດ. ຜູ້ເຂົ້າຮ່ວມບໍ່ຈຳເປັນຕ້ອງນຳເອົາຊອບແວ ຫລື ອຸປະກອນອັນໃດມາເພີ່ມອີກ.
ອົງການ ບ້ານຈຸດສຸມສາກົນ ຈະເຊີນຜູ້ເຂົ້າຮ່ວມທີ່ດີເດັ່ນໜື່ງຄົນເຂົ້າຮ່ວມກອງປະຊຸມສາກົນຂອງຊາວໜຸ່ມ ຢູ່ວໍຊິງຕັນດີຊີ. ໂຄງການຊາວ ໜຸ່ມຂອງອົງການ ໄອອາໄອ ແມ່ນເຄືອຄ່າຍສາກົນຂອງອົງການຈັດຕັ້ງຊາວໜຸ່ມຫລາຍກວ່າ 400 ອົງການ ຕາງໜ້າ ໃຫ້ 70 ປະ ເທດທົ່ວໄລກ. ໃນກອງປະຊຸມຜູ້ເຂົ້າຮ່ວມຈະໄດ້ແລກປ່ຽນບົດເລື່ອງດີຈີຕໍ, ລວມທັງເຂົ້າເຖີງການຝຶກອົບຮົມຕ່າງໆ ໃນການສ້າງ ທັກສະ ແລະ ມີໂອກາດໃນການພັດທະນາອາຊີບ.
ໃຜແດ່ສາມາດສະໝັກໄດ້:
ຊາວໜຸ່ມລາວ (ເກນອາຍຸ 18 ຫາ 30 ປີ) ທີ່ອາໄສຢູ່ຫຼວງພະບາງ, ເປັນນັກສຶກສາທີ່ກຳລັງສຶກສາຢູ່ທີ່ ມະຫາວິທະຍາໄລສຸພານຸວົງ ຫຼື ເປັນຊາວໜຸ່ມທີ່ຮຽນຈົບວິຊາຊີບແລ້ວແຕ່ບໍ່ທັນມີວຽກເຮັດເທື່ອ, ຜູ້ທີ່ຫ້າວຫັນໃນການພັດທະນາຊຸມຊົນ ແລະ ມີທ່າແຮງໃນການຊຸກຍູ້ການມີສ່ວນຮ່ວມ ຂອງກຸ່ມຄົນເພດທີສາມ, ຮັກຮ່ວມເພດ, ຊົນເຜົ່າ, ແມ່ຍິງ ແລະ ຊຸມຊົນພິການໃຫ້ມີສ່ວນຮ່ວມໃນກິດຈະກຳທາງສັງຄົມ. ອົງການ ຂອງພວກເຮົາ ບໍ່ໄດ້ຮຽກຮ້ອງໃຫ້ຜູ້ເຂົ້າຮ່ວມຕ້ອງເວົ້າພາສາອັງກິດໄດ້. ບໍ່ຈຳເປັນຕ້ອງມີພື້ນ ຖານໃນການນຳໃຊ້ຄອມພີວເຕີ ຫລື ສີນລະປະ.
ການສະໝັກ:
ກະລຸນາໃຫ້ຂໍ້ມູນຂ້າງລຸ່ມນີ້ເພື່ອໃຫ້ພວກເຮົາຮູ້ກ່ຽວກັບຄວາມສົນໃຈແລະຄວາມຕັ້ງໃຈຂອງທ່ານທີ່ຈະເຂົ້າຮ່ວມໃນການຝຶກອົບຮົມການເລົ່າເລື່ອງດິຈິຕອລນີ້. ສະ ໝັກ ໄດ້ທີ່ ehussey@iri.org ພາຍໃນວັນທີ 30 ສິງຫາ 2019 ເວລາ 5:00 ໂມງແລງ.
ການຝຶກອົບຮົມກ່ຽວກັບການເລົ່າເລື່ອງຜ່ານສື່ດີຈີຕໍ ຜູ້ເຂົ້າຮ່ວມຈະໄດ້ຮຽນຮູ້ວິທີການນຳໃຊ້ການເລົ່າເລື່ອງ ໃຫ້ ເປັນເຄື່ອງມື ໃນການລົງໂຄສະນາເຜີຍແຜ່. ບົດເລື່ອງຂອງຜູ້ເຂົ້າຮ່ວມຈະເລັ່ງໃສ່ການສະທ້ອນໃຫ້ເຫັນເຖີງຄວາມແຕກຕ່າງ ແລະ ແບບແຜນ ການດຳລົງຊີວີດຂອງຊຸມຊົນຕ່າງໆຢູ່ລາວ, ໂດຍສະເພາະແມ່ນປະສົບການຂອງແຕ່ລະບຸກຄົນໃນການຂ້າມຜ່ານອຸປະ ສັກໃນການ ມີສ່ວນຮ່ວມ. ໃນໄລຍະການຝຶກອົບຮົບຮົມ 5 ວັນນີ້ ຜູ້ເຂົ້າຮ່ວມຈະໄດ້ຮຽນຮູ້ດັ່ງຕໍ່ໄປນີ້:
ຫລັງຈາກຈົບການຝຶກອົບຮົມ, ຜູ້ເຂົ້າຮ່ວມຈະໄດ້ສືບຕໍ່ສ້າງບົດເລື່ອງດີຈີຕໍ ດ້ວຍຕົນເອງ ໂດຍການຕື່ມເນື້ອໃນຫົວຂໍ້ເພີ້ມເຕີມຈາກຊຸມຊົນຂອງຕົນ ເອງ. ຫລັງຈາກນັ້ນຜຸ້ເຂົ້າຮ່ວມກໍຈະໄດ້ເຂົ້າຮ່ວມໃນງານວາງສະແດງຮູບ ພາບຂອງບົດເລື່ອງ (ສຳລັບວັນເວລາແມ່ນຈະໄດ້ກຳນົດພາຍຫລັງ) ການ ວາງສະແດງ ຮູບພາບຂອງບົດເລື່ອງຈະປະກອບມີຮູບພາບນີ້ງ ຂອງຜູ້ເຂົ້າ ຮ່ວມ ລວມທັງບົດເລື່ອງດີຈີຕໍ.