ຂໍເຊີນຍື່ນບົດສະເໜີຂໍທຶນໂຄງການ
ສະຖານທູດອົດສະຕຣາລີ ປະຈຳ ສປປ ລາວ ຂໍເຊີນທ່ານຍື່ນບົດສະເໜີຂໍທຶນຈາກໂຄງການ ຊ່ວຍເຫຼືອໂດຍກົງ ຫຼື Direct Aid Program ສຳລັບສົກປີ 2018-2019. ໂຄງການ DAP ແມ່ນ ໃຫ້ການສະໜັບສະໜູນ ທຶນຊວ່ຍເຫລືອລ້າ ສຳຫລັບກິດຈະກຳດ້ານການພັດທະນາ, ບໍລິຫານກອງທຶນໂດຍສະຖານທູດອົດສະຕຣາລີປະຈຳ ສປປລາວ. ໂຄງການ DAP ແມ່ນ ແນໃສ່ການສະໜັບສະໜູນ ໂຄງການທີ່ຈະສົ່ງເສີມດ້ານການພັດທະນາແຜນການຊວ່ຍເຫລຶອ ຂອງອົດສະຕາລີ ໃຫ້ກວ້າງຂວາງຂື້ນຕື່ມ, ສົ່ງເສີມການມີສ່ວນຮ່ວມ ດ້ານການພັດທະນາເສດຖະກິດແບບຍືນຍົງ ແລະ ໂຄງການກ່ຽວກັບການຫລຸດຜ່ອນຄວາມທຸກຍາກ.
ຄະນະກຳມະການກອງທືນຈະພິຈາລະນາພິເສດ ສຳລັບໂຄງການດັ່ງຕໍ່ໄປນີ້:
• ສົ່ງເສີມການມີສ່ວນຮ່ວມຂອງທຸກຄົນໃນສັງຄົມ, ການພັດທະນາເສດຖະກິດ-ສັງຄົມແບບຢືນຍົງ ແລະ ມີການຈັດຕັ້ງປະຕິບັດໄປຕາມຂົງ ເຂດບຸລິມະສິດຂອງ ໂຄງການຊ່ວຍເຫຼືອເພື່ອການພັດທະນາຂອງອົດສະຕຣາລີ ເຊັ່ນ ດ້ານການສຶກສາ, ສາທາລະນະສຸກ, ການພັດທະນາຊັບພະຍາກອນມະນຸດ, ໂຄງການສົ່ງເສີມ ແລະ ພັດທະນາການຄ້າ ແລະ ພາກເອກະຊົນ
• ໂຄງການທີ່ແນໃສ່ ການພັດທະນາຊາວໜຸ່ມ, ການສ້າງຄວາມເຂັ້ມແຂງໃຫ້ແມ່ຍິງດ້ານພາວະຜູ້ນຳ
• ກ່ຽວຂ້ອງການກັບສິ່ງປະດິດໃໝ່ໆດ້ານການແກ້ໄຂ ແລະ ຮັກສາສິ່ງແວດລ້ອມ
• ສົ່ງເສີມໃຫ້ມີການແລກປ່ຽນດ້ານການສຶກສາ ແລະວັດທະນະທຳ ລວມໄປເຖິງ ເພີ່ມທະວີສາຍພົວພັນຂອງຄົນໃນສັງຄົມ, ແລະ
• ສະໜັບສະໜູນກຸ່ມຄົນທີ່ດ້ອຍໂອກາດ ລວມທັງ ຄົນພິການ, ຜູ້ອາວຸໂສ ທຸກຊົນເຜົ່າ.
ສະຖານທູດອົດສະຕຣາລີ ຍິນດີ ພິຈາລະນາ ບົດສະເໝີໂຄງການທີ່ຍື່ນໂດຍ ຄູ່ຮ່ວມພັດທະນາເຮັດວຽກກັບ ອາດີດນັກສຶກສາທີີ່ຈົບຈາກອົດສະຕຣາລີ ທີ່ເຮັດວຽກຢູ່ໃນ ສປປລາວ ຫຼື ອົງການບໍ່ຫວັງຜົນກຳໄລ ແລະ ຈາກພາກເອກະຊົນຕ່າງໆ.
ບົດສະເໜີໂຄງການຕອ້ງລະບຸຈຸດປະສົງ ແລະ ເປົ້າໝາຍທີ່ຈະໄດ້ຮັບໃຫ້ລະອຽດ ແລະ ຈະແຈ້ງ. ທືນຂອງແຕ່ລະໂຄງການແມ່ນບໍ່ເກີນ AUD60,000.
ກ່ອນຈະຍື່ນຄຳຮ້ອງຂໍທືນໂຄງການ, ສະຖານທູດອົດສະຕຣາລ ຂໍເຊີນຊວນບັນດາທ່ານອ່ານຂໍ້ກຳນົດຕ່າງໆຂອງທືນນີ້ໃຫ້ລະອຽດ ໄດ້ທີ່
ເວບໄຊ:
www.laos.embassy.gov.au ບົດສະເໜີໂຄງການຈະບໍ່ຖືກພິຈະລະນາ ຖ້າຈຸດປະສົງບໍ່ສອດຄ່ອງກັບ ຂໍ້ກຳນົດຂອງທືນດ່ັງກ່າວ.
ສະຖານທູດຈະຕິດຕໍ່ຄືນຫາ ແຕ່ໂຄງການທີ່ໄດ້ຮັບທຶນຂອງໂຄງການເທົ່ານັ້ນ.
ກະລຸນາ ສົ່ງຄຳຮ້ອງຂອງທ່ານເຖິງ ສະຖານທູດອົດສະຕຮາລີ, ຢູ່ນະຄອນຫຼວງວຽງຈັນ ບໍ່ໃຫ້ກາຍ ວັນຈັນ ທີ 12 ຕຸລາ 2018, ທາງອີເມວ ໄດ້ທີ່
Vientiane.DAP@dfat.gov.au ຫຼື ສົ່ງເຖິງຫ້ອງການສະຖານທູດ ອົດສະຕຣາລີ, ຕັ້ງຢູ່ຖະໜົນທ່າເດື່ອ ຫຼັກ 4, ບ້ານວັດນາກ, ນະຄອນຫຼວງວຽງຈັນ, ຫລື ສົ່ງທາງໄປສະນີ ຕູ້ ປ.ນ 292, ນະຄອນຫຼວງວຽງຈັນ.
ສອບຖາມຂໍ້ມູນເພີ່ມຕື່ມ ໄດ້ທີ່ ສະຖານທູດອົດສະຕຮາລີ ໂທລະສັບ +856 21 353 800 ຫຼື ທາງງອີເມວ
Vientiane.DAP@dfat.gov.au