Civil Society Laos, all NPA in one place

ຄູ່ຮ່ວມຈັດຕັ້ງປະຕິບັດໂຄງການຄອນເນັກ(Connect Project) ຈັດກອງປະຊຸມສະຫລຸບຖອດຖອນບົດຮຽນແລະວາງແຜນປີຕໍ່ໄປ

ຄູ່ຮ່ວມຈັດຕັ້ງປະຕິບັດໂຄງການຄອນເນັກ(Connect Project) ຈັດກອງປະຊຸມສະຫລຸບຖອດຖອນບົດຮຽນແລະວາງແຜນປີຕໍ່ໄປ

ໃນວັນທີ 29-31 ກໍລະກົດ 2020 ຜ່ານມາ ຄູ່ຮ່ວມຈັດຕັ້ງປະຕິບັດໂຄງການຄອນເນັກ(Connect Project) ເຊິ່ງປະກອບມີອົງກອນຄອດປະຈຳລາວ, ອົງການເຮວວີຕາດປະຈຳລາວ, ສະມາຄົມຮຽນຮູ້ເພື່ອການພັດທະນາໄດ້ຮ່ວມກັນຈັດກອງປະຊຸມສະຫລຸບຖອດຖອນບົດຮຽນໃນການຈັດຕັ້ງປະຕິບັດກິດຈະກຳໜຶ່ງປີຜ່ານມາ ພ້ອມທັງວາງແຜນກິດຈະກຳໂຄງການປີຕໍ່ໄປ ເຊິ່ງເປັນປີສຸດທ້າຍຂອງການ.

ກອງປະຊຸມໄດ້ຈັດຂຶ້ນຢູ່ໂຮງແຮມຊຽງທອງວິກຕໍເຣຍ, ແຂວງຫລວງພະບາງ ໃນກອງປະຊຸມມີຜູ້ເຂົ້າຮ່ວມຈຳນວນ 10 ກວ່າທ່ານ ເປັນຕົ້ນ ຫົວຫນ້າແຜນງານໂຄງການຄອນເນັກ, ຜູ້້ຕາງຫນ້າອົງການຄອດປະຈຳລາວ, ຜູ້ຕາງໜ້າອົງການເຮວວີຕາດປະຈຳລາວ, ຫົວຫນ້າສະມາຄົມຮຽນຮູ້ເພື່ອການພັດທະນາ, ຜູ້ປະສານງານໂຄງການ ແລະ ພະນັກງານພາກສະໜາມຂອງໂຄງການ.

ຈຸດປະສົງຂອງກອງປະຊຸມກໍເພື່ອເປັນການສະຫລຸບຖອນຖອນບົດຮຽນການຈັດຕັ້ງປະບັດກິດຈະກຳຕະຫລອດໄລຍະໜຶ່ງປີຜ່ານມາ, ປະເມີນຕີລາຄາຜົນໄດ້ຮັບຂອງໂຄງການທຽບໃສ່ຕົວຊີວັດທີ່ໂຄງການໄດ້ຕັ້ງເອົາໄວ້, ສະຫລຸບຖອນຖອນບົດຮຽນດ້ານດີດ້ານຂໍ້ຄົງຄ້າງ, ສິ່ງທ້າທ້າຍ ແລະ ສິ່ງທີ່ປ່ຽນແປງຂອງໂຄງການ, ນອກນິ້ ໃນຜູ້ເຂົ້າຮ່ວມກອງປະຊຸມຍັງໄດ້ພ້ອມກັນຄົ້ນຄວ້າວາງແຜນການໃນປີຕໍ່ໄປ ກໍຄືປີທີ່ 4 ເຊິ່ງເປັນປີສຸດທ້າຍຂອງໂຄງການ.

ໂຄງການຄອນເນັກແມ່ນໂຄງການໜຶ່ງທີ່ໄດ້ຮັບທຶນການສະໜັບສະໜູນໂດຍສະຫະພາບເອີຣົບ ເຊິ່ງລົງເລິກຈັດຕັ້ງປະຕິບັດກິດຈະກຳສ້າງຄວາມອາດສາມາດ, ສ້າງຄວາມເຂັມແຂງໃຫ້ແກ່ອົງການຈັດຕັ້ງສັງຄົມໃນ ສປປ ລາວ ເພື່ອໃຫ້ເຂົາເຈົ້າມີຄວາມຮູ້ຄວາມສາມາດ, ມີຄູ່ຮ່ວມງານທີ່ດີ ກ້າວເຂົ້າສູ່ການປະກອບສ່ວນຊ່ວຍລັດຖະບານໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ກໍຄືການພັດທະນາປະເທດຊາດໃຫ້ມີຄວາມຈະເລີນກ້າວໜ້າຍິງໆຂຶ້ນ.


ຮູບພາບກອງປະຊຸມ